Við gerðum okkur líka ferð til Ueno en þar safnast fólk gjarnan saman til að stunda svokölluð Hanami eða blómaskoðunarpartí. Hanami fer þannig fram að maður finnur sér Sakura tré í blóma, sest undir það og borðar nesti og drekkur ótæpilegt magn áfengis. Planið hjá okkur er einmitt að taka daginn snemma á morgun og halda í hanami í Kunitachi fyrir hádegið með vinum okkar frá því við komum fyrst hingað til Japan.
